1994ع ۾ ”يورپين ڪميونٽي“ نالي تنظيم کي ”يورپين يونين“ جو نالو ڏنو ويو. هيءُ اتحاد حقيقت ۾ ٽن يورپي تنظيمن: 1. گڏيل يورپي پڙي 2. ڪوئلي ۽ رُڪ جي يورپي برادري 3. يورپ جي ائٽمي سگهه واري برادري جو مجموعو آهي. هن تنظيم جو بنيادي مقصد يورپي معيشت کي سگهارو ڪرڻ، اتان جي سماجي حالتون سڌارڻ ۽ ميمبر ملڪن جي وچ ۾ سياسي اتحاد مضبوط ڪرڻ آهي. 1999ع تائين ان جا 22 ميمبر هئا. هينئر ان جا 27 ميمبر آسٽريا، بيلجم، قبرص، چيڪ رعيتي راڄ، ڊينمارڪ، ايسٽونيا، فنلئنڊ، فرانس، جرمني، يونان، هنگري، آئرلئنڊ، اٽلي، لٽويا، لٿوانيا، لڪسمبرگ، مالٽا، هالئنڊ، پولئنڊ، پورچوگال، رومانيا، سلووينيا ، سلاويڪ رعيتي راڄ، سلوانيا، اسپين، سويڊن ۽ برطانيا آهن. انهن ملڪن جا 50 ڪروڙ رهواسي هن تنظيم جي ڪنڍيءَ ۾ پوتل آهن. دُنيا جي مجموعي پيداوار جو %21.3 هي ملڪ پيدا ڪن ٿا. هن تنظيم معياري قانون جوڙي يورپ جي هڪ پِڙي ۽ هڪ سياسي موقف جوڙڻ ۾ مدد ڏني آهي. تنظيم جي سياسي قيادت هن جي ئي جوڙيل اداري ”يورپين ڪائونسل“منجهان کنئي وڃي ٿي ۽ ميمبر ملڪن جي ڪنهن نه ڪنهن سياستدان کي سربراهه طور چونڊيو وڃي ٿو. 25 نومبر 2009ع تي بيلجيم جي وزيراعظم ’هرمن وان رومپوئي‘ کي يونين جو صدر چونڊيو ويو آهي. هن تنظيم جو مرڪز بروسيلز ۾ قائم ٿيل آهي. هيءُ ادارو 1993ع ۾ ”ماسترت معاهدي“ جي نتيجي ۾ وجود ۾ آيو .